أفشيت سرا في المرحلة الثانوية وندمت ندما شديدا وظللت أتألم لذلك وقتا طويلا ولكني تعلمت من ذلك الألم الكثير.
2_ ما أكثرَ حادثةٍ عامة ٍتركتْ لكَ جرحًا نفسيًا .؟
ما يحدث لأخواننا المسلمين في فلسطن والعراق وأخص أنتهاكات سجن أبو غريب في العراق وطبعا المآسي التي تحدث في مصر كل عام مثل قطار الصعيد وغرق العبارة وأحداث الدويقة وما قبلها وما بعدها أسأل الله أن يكشف البلاء عنا.
3_ ما أكثرَ حادثة ٍ خاصة ٍ تركتْ لكَ جرحًا نفسيًا.؟
ابتلاء شديد تعرضت له بعد تخرجي بفترة واستمر قرابة العام كنت فيها على وشك الموت من شدة الهم ولكن الله فرج عني والحمد لله وأدعوه ان يغفر لي أية لحظة جزع قد أكون مررت بها خلال هذه الفترة .
4_ هل تعيش ُ الآن قصة َحب ٍ تتمنى أنْ تنتهى بالزواج ِ .؟
لاااااااااااااا على العكس تماما .
5_ كيف َ ترى الآخرين َ .؟ كيف تحددُ علاقتـَكَ بهم .؟
علاقة قائمة على الإحترام مع الحذر الشديد .
6_ ما أكثرَ شئ ٍ يسببُ لكَ أحراجًا مع الآخرين .؟
أن أضطر لطلب خدمة من أحد ما .
7_ منْ هو أقربُ شخص ٍ إليك .؟ برجاء حددْ شخصًا مع عدم ِ الإلتزام ِ بذكرِ اسماء.
أسرتي ...أبي وأمي وأخوتي ... وجدتي لأمي "صديقتي جدا" .
8_ ما هو حلمـُكَ لحياتـِك مستقبلا .؟ وما هو حلمـُك لوطنـِك .؟
حلمي لحياتي .. حفظ القرآن ... التميز في عملي ... أن يختم الله لي خاتمة خير وأدخل الجنة .
حلمي لوطني .. اكثر مشاكل تؤرقني ارتفاع الأسعار وكثرة البطالة أدعو الله أن تحل هذه المشاكل .
9_ لمن ْ تمررَ الواجب .؟ ولماذا .؟
تمر حنة - روفي - جنة - ولد مصري - ياسر- أم أحمد المصرية -حبيبة القمر - موناليزا .
لأنهم أول من مر بخاطري .
****************************************
****************************************
وهذا الواجب أو القذيفة ألقيت على من أخي ولد مصري .
1_بدأت تدون امتى ودخلت عالم التدوين ازاي ؟
بدأت في شهر مارس من هذا العام ودخلت عالم التدوين عن طريق صديقتي تمر حنة صاحبة مدونة ليتني أراك .
2_ايه كان انطباعك في البداية ؟
كانت لدي بعض الذكريات التي أريد أن أحكيها ولكني خشيت أن يتعرف أحد على شخصيتي الحقيقية عن طريق هذه الذكريات وفكرت في الإنسحاب كثيرا ولكن هذا العالم سحرني كثيرا وأصبحت متعلقة بكثير من الأصدقاء فيه .
3_مين أكتر حد بتحب تعليقه على بوستك الجديد ؟
أصدقائي اللي متابعيني دايما ومتعودة أسمع آراءهم .
4_ايه أهم حاجة اتعلمتها من التدوين ؟
بعض الجرأة لأن أكيد اللي كلموني في الواقع من الأصدقاء عارفين أنا خجولة قد إيه .
5-حاسس ان التدوين له تأثير ؟
طبعاااااا.
6- اذكر خمسة أحلام على الأقل تخص ماضيك وتحلم فيها بتغيير أشياء ماذا ستعدل وماذا ستترك
لاشيء سوى أن أكون أكثر شجاعة في اتخاذ القرارات الحاسمة في حياتي دون خوف من النتائج .
7- اذكر خمسة أحلام تخص مستقبلك ؟
حفظ القرآن - أشياء خاصة بالدراسة والعمل - أن ألا يفرق الله بيني وبين أسرتي - أن أتزوج بزوج حسن الأخلاق يكرمني ولا يهينني - أن يحسن الله خاتمتي فأموت على طاعة .
8- اذكر شخصين على الأقل متواجدين في حياتك حاليا كنت تود وجودهم من زمن
أكيد أصدقاء عالم التدوين - بعض زميلاتي في العمل .
9- اذكر شخصين غير متواجدين حاليا كنت تتمنى وجودهم الآن أو مستقبلا في حياة أولادك
لا أعلم ....... ربما والدهم لو كان شخصا حسن الإخلاق طيب القلب كما ارجو من الله .
10- على من تطلق الرصاص ؟
المحارب المتيم ..عشان اداني الواجب اللي فوق, برقش عشان لم يزرني من زمن , صديقتي sou المختفية من فترة , د.غنيم بمناسبة الأخبار الحلوة, وجميع زواري ومعذرة اذا كنت قد نسيت أحد .
هناك 48 تعليقًا:
ايه التاج النكد اللى فى الاول ده
بس حسيتك بتتكلمى من قلبك اوى بجد
واضح فعلا انك حد هادئ اوى اوى يا امل
appy الحبيبة
معاكي حق والله أنا حسيت انه تاج نكد بجد بس أعمل ايه الأيام دي الواحد نفسيته مش قوي
ربنا يخليكي لي وما يحرمنيش من رقتك
تحياتي وكل الحب
الاسئله كلها خارج المقرر .تحياتي
هذا كان تاجا صعبا بالفعل
لكنك بمنتهي البساطة اجتزتي الاختبار بنجاح
نهاتئي وامنياتي بتحقيق كل احلامك
صديقتى العزيزة
اجابات جميلة
ولكن
تلك الكلمة ادهشتنى
علاقة قائمة على الإحترام مع الحذر الشديد
فلم الحذر الشديد
صحيح ان الحذر مطلب ولكن لا اظن الى تلك الدرجة
تحياتى دوما
تايه في وسط البلد
ربنا يكرمك يااااارب على كلماتك الطيبة والتشجيعية وعلى أمنياتك الرقيقة
الأزهري
أهلا بك أخي الأزهري أشكرك على ثناءك وأنا أقصد بالحذر الشديد التفكير في الكلمات قبل قولها خشية من أن تسبب ألما أو ضيقا لأحد أو تسبب ردا قد يسبب الما أو احراجا لي فأنت تعلم يا صديقي أن هناك الكثيرين ممن قد ينطقوا بكلمات تؤذي غيرهم دون أن يقصدوا وأنا من الذين قد تمرضهم الكلمات الجارحة كما لا أحب على الطلاق ان يحدث العكس وتؤذي كلماتي أحدا
أسعدني مرورك للغاية
كلام على بلاطة
أهلا ومرحبا بيك أستاذ ناجح منورني بزيارتك الجميلة
أمل
وحشانى جدااا ويارب تكونى فى أحسن حال
انت فعلا انسانه رقيقة واجاباتك بتدل على شخصيتك
وخجولة وانا اشهد
ربنا يحقق لك كل أحلامك وخاصة فى زوج صالح وابناء صالحين
شكرا لتمرير التاج واكيد سعيدة جداا انى من الناس اللى خطرت على بالك
دمتى بكل خير
تحياتى
مررت من هنا:)
ازيك يا امل
وحشاااانى كثير جدا جدا ..
اسئله صعبه و لكنك ما شاء الله عليكى
اجاباتك بتقول ان احساسى بيكى اكيد صح ..
انتى انسانه قوى و حد جميل بجد و ضميرك صاحى و فتاه رقيقه جدا و خجوله و ايضا ذكيه تستفدين دائما مما مررت به
ادعوا الرحمن ان يحفظك و يوفقك دائما و يحقق لكى كل احلامك .. و ان يرزقكى بزوج صالح و اولاد صالحين يا رب و ان يرزقكى كل السعاده فى الدارين ..
اشكرك لتمرير التاج و لانى من الناس اللى فكرت فيهم .. تعلمين انكى ايضا من الناس المقربين الى قلبى فى عالم التدوين و كم اتمنى ان اعرفكى فى الحقيقه
دمتى بكل خير فى حفظ الله
تحياتى
ده ايه نظام اتنين في واحد اللي ماشي في موضوع التيجان ده
وبعدين سؤال صغير يا ترى يا هل ترى فيه علاقة ما بين النكد اللي في التاج الأول وبين إني من الناس اللي جم على بالك ساعتها فحدفتيني بالتاج أقصد حدفتيلي التاج؟
الله يسامحك قولي آمين
تحياتي
ايه ده ايه ده ايه ده
انظر لتلك الشجرة ذات الغصون النضرة
كيف نمت من حبة وكيف صارت شجرة
اخيرا ياجميلة طمنتينا عليكى
يارب دايما تكونى بخير
ويارب يرزقك بكل الخير ويعينك ويعينى على حفظ القرآن
امل
ازيك بصراحة التاج بتاعك اجابتة حلوة اوى رغم الحزن اللى ظاهر بين الاجابة والاخرى
لكن واحد اوى اد اية انتى جميلة و طيوبة ربنا يوفقك يارب
تحياتى لك
الله ينور على الاجابات الجميله واحلامك ليكى ولبلدك كلنا نتمنى لمصر الخير
وكمان ننفسك تحفظى القران دى حاجه جميله قوى
الله يبارك فيكى
السلام عليكم
الاسئله حلوة والرد احلي
تقبلي مروري
أموله .. بصراحة بصراحة .. احيكى على الجراءة دى
ربنا يوفقك يا أموله .
على فكرة سعيدة قوى بأنى اول حد جة على بالك.
وليا فى التاج كمان ربنا يستر .
سلميلى على كل اللى عندك وأشوفك عن قريب
التاجين احلى من بعض يا امل
ربنا يرضيكى ويحققلك كل اللى بتحلمى بيه
اتمنى تنورينى
لقد احسست من خلال إجاباتك ان المدونون خلقوا من معين واحد ..
نفس المشاعر والأحاسيس والهموم
نفس الاهتمامات ..
فياليتنا نتحد ايضا فيما بيننا
شكرا وتحيتي
امولة
بالله عليكي ماتزعلي
والله انا مقصر مع الجميع
وبجد مشغول جامد والله
وحقك عليا كتير كتير
وهاخد التاج وان شاء الله تشوفيه في اقرب وقت
تحياتي ليكي ومفناش من زعل
برقش
امولة الجميلة
ازيك ياقمر عاملة اية احلي حاجة في التاج دا ان اجابتك صريحة وواضحه وفيه وعجبني فيكي اهتمامك بحال الامة الاسلامية ويارب انصر جميع المسلمين في كل مكان في الارض ويارب تتمكني من حفظ القران الكريم باذن الرحمن وانتي فعلا انسانة هادية ورقيقة وربنا يخليك جدتك وتشوفك عروسة زي القمر يارب
لكي خالص التحية والتقدير
إجابات جيدة
و جميل ان تحبى أسرتك و جدتك لأمك إلى هذا الحد
ربنا يديم مودتكم
د.حماس
اجباتك كانت صادمة وجميللة وصادقة بجد
صادقة لدرجة شفافية كوب الماء الهادئ ...بحق ادام الله عليكى سكينتة
اجاباتك حلوة بجد
تسلم ايدك ودماغك
حاسه بيكي يا لولو ...ماحنا زي بعض تماما ... P:
أنا مش بنساكي أبدا....
علي راي ابي
ايه النكد دا
انا داخله اسلم علي الناس
الاقي بوستات نكد كلها
ماشاء الله عليكو
هههههههههههههههه
ربنا يحقق كل ما تتمني يا امل يارب
وحشاني والله
معلش بقي النت والدراسه
التو
ههههههههههه
دمتي بخير دديما
أمل
جمعة مباركة
وحشتنا كتاباتك
ليه ما فيش جديد
وانت شخصيا وحشتينا
تحياتى
السلام عليكم
اجابات جميلة وأحلام أجمل وشخصية متزنة ماشاء الله
أما ما مررتي به من تجارب فهي ستمر ان لم تكن قد مرت بالفعل وسيخلف عليك الله بالخير الكثير ان شاء الله
أما الرصاص وضرب النار اللي اتعرضت ليه في مدونتك فأنا مش هعديه وانتظري مني صاروخ اكس دبليو قريبا جداااااا ان شاء الله صناعة أمريكاني مش أي حاجة يعني
هههههههههههههههه
سعيد جدا بتعرفي علي مدونتك دمتي بخير ودامت زياراتك
أما عن البوست الأخر عندي فهو ليس أكثر من ترغيب في الزواج ربنا يرزقنا واياكي وكل المسلمين والمسلمات بالخير الوفير
تحياتي
بالتوفيق.........................
السلام عليكم
اذيك يا امل
اجاباتك كلها جميلة ومنطقية
وتدل علي شخصية حكيمة وعقلاانية
الي ابعد الحدود
اية دة ياسر مين انا ؟؟؟؟؟؟؟؟
ولية الاذية دي انا عملتلك حاجة هههههههههههههههههه
ربنا يحقك كل احلامك يارب ويوفقك في حياتك علميا وعمليا يارب
اية دة مفيش رد علي التعليقات
خير يارب اتمني تكوني بخير
تحياتي
امل هانم
انا جيت
تاني مره
عشان تعرفي بس مين بيسأل اكتر
ومستنيكي
اذيك يا امل عاملة ايه ياحبيبتى
انتى بتتأخرى كده ليه؟
يارب تكونى بخير
أمل
مقصر معاكى جدااااا والله
بس انا فعلا متلخبط جدااا
لما تزورينى هتعرفى مصايبى
المهم
جميل انك جاوبتى على التاج بتاعى
بس هان عليكى تضربينى بالرصاص يا قاسية ربنا يسامحك
أعجبتنى جداا صراحتك وهدوئك وأتزانك
تحيتى
أمل
وحشتينى
ازيك؟
يارب تكونى بخير
عيد سعيد
وكل عام وانت بخير
تحياتى
السلام عليكم
اولا كل عام وانت بخير وعيد سعيد عليكي وعلي كل أحبابك
ثانيا
أين انت لاجديد ولا رد علي القديم
نتمني من الله ان تكوني بخير
ف انتظار أن نطمئن عليكي
تحياتي
بالتوفيق.....................
السلام عليكم
اختي الفاضلة امل
لعل المانع من تواجدك في مدونتك خير
كل عام وانتي بخير
تحياتي
كل سنة وجميعكم بخير
كل سنة وجميعكم فى سعادة وهناء
كل سنة ونحن أوثق وأقرب
جمعنا الله معا على عرفات
العزيزة امل
كل سنة وانت والاسرة الكريمة بخير
ولعل الغياب لخير
عيييييد سعييييد
كل سنه وانتى طيبه و بصحة وسلام
كل عام وانتى الى الله اقرب و على طاعته اقدر
وحشااااانى
كل سنه وانتي طيبه يا لولو يارب يكون احلى عيد عليكي ويارب أشوفك قريب بقى
السلام عليكم
كل سنة وانتي طيبة
اين الجديد ؟
تحيتي
كل سنة وانتى طيبة ياحبيبتى
عايزين نعرف ليه التأخير ده كله؟
انتى كويسة؟؟؟
عاجبك اللى بيحصل فى غزة دلوقتى
لو مش عاجبك وعايز تاخد موقف
تعالى عندى فى المدونة وشارك
غزة تصرخ
فهل سنجيب ؟؟؟
فينك يا امل ؟؟
بجد وحشاااااانى جدااااااا
طمنينا عليكى حبيبتى
العزيزة
امل
اين انت من كل هذه الاحداث ؟
لعل المانع خير
اذيك يا امل؟
انتى اعتزلتى التدوين ولا ايه؟:)
طب مش كنتى تعملى ماتش اعتزال:):)
بجد بقى انتى فين؟
طب ممكن تطمنينا عليكى وبعد كده تغيبى تانى:)
يارب تكونى بخير
اصدقائي اعتذر اليكم عن غيابي وعن عدم ردي على التعليقات الأخيرة لأني لم ادخل المدونة من فترة ولم أدخل الا اليوم وشكرا لكل من سأل عن غيابي منكم
إرسال تعليق