الاثنين، 26 مايو 2008

إطلالة


السلام عليكم جميعا أصدقائي في هذا العالم الجميل ...الحر يقترب في هذه الأيام والكسل والخمول بدأ يسيطر علي فلا أكاد أعود من العمل حتى أخلد للنوم ثم أستيقظ لأنام مرة اخرى ولا بأس بإطلالة قصيرة على تعليقات الأصدقاء وزيارة بعض مدوناتهم للإطلاع على الجديد والاستمتاع بما يكتبونه ثم العودة الى السرير من جديد ...ولابد أنكم تتساءلون عن الذي دعاني للخروج اليكم بالجديد ما دمت ارتضيت الكسل والنوم الكثير والسبب هو أنني أريد أن أظل على تواصل معكم وأن أشعر بذلك الشعور الجميل شعور ترقب التعليقات وكأنها الرابط الذي يربط بيني وبينكم ويشعرني بأني ما زلت هنا معكم ...هل هذا كل شيء ؟!.. كلا بالطبع . فقد أتيت لكم اليوم ببعض الأبيات الشعرية التى إستمعت اليها أثناء تصفحي لأحد المواقع وأرجو أن تعجبكم كما أعجبتني :

يا صديقي ما العلم إلا كتاب وسطور ...قم فرتل آية تملأ عينيك زهور ...ثم سافر في بحور... وبحور... وبحور...رب أعمى بكتاب الله قد صار بصير ...هو نبراس وجود ...هو للنفس منير ...هو كالشمس وضوحاً في دجى الليل الكبير...هو كالسيل شموخاً هائل عبر العصور ....هو قرآنك فإجعله طريقاًً للعبور ....

أترككم الآن وأرجو ألا أكون قد سببت ضيقا بإطلالتي هذه وأراكم بعد أن استيقظ من النوم إن شاء الله ....

هناك 62 تعليقًا:

rovy يقول...

اول تعليق حبيبتى امل
انا مبسوطه و انتى وحشتينى قوى
كفايا كسل ونوم .. وحشيتنا قصصك الجميله .
دمت بخير حبيبتى
فى رعاية الرحمن
تحياتى
rovy

rovy يقول...

نسيت اقولك ان الابيات جميله قوى
يسلم ذوقك الجميل وتسلم يد من كتبها
تحياتى

rovy

امل يقول...

الحبيبةrovy
انا مبسوطة اكثر لانك اول من علق
ادام الله علي ودك ولا حرمني من اطلالتك
الجميلة ..في رعاية الله
مع خالص تحياتي وودي
وسلامي للبنوتات الرقيقات

الربان يقول...

تحياتي

ونعم الاطلاله....اطليتي علينا بابيات جميلة تصف القرأن الكريم...طب القلوب
و شفائها و نور الابصار...

اشكرك علي حرصك بالتواصل مع افراد الاسرة المدونين...و دائما ما يسعدنا تواجدك...

تحياتي و تقديري

امل يقول...

الربان
شكرا على هذه الكلمات الرقيقة
جزاك الله عني كل خير
تحياتي وتقديري

بنت مصريه يقول...

ايه يا امل الكسل اللى نازل عليكى ده
وحشتينا يا بنتى
جميله قوى الابيات دى
مفتقدين بوستاتك يا امل
قومى اصحى وفوقى كده
الحر عايز الخروج
والنوم يحرر اكتر
سلميلى عالملايكه
وسبيلى شويه رز بلبن

حبيبـــــــة القمـــــر يقول...

وانا اقول انتي مختفيه ليه اتاريكي مقضياها نوم وكسل
انا عارفه الجو بدأ يرخم بس عاااااااااتشي
والله يابنتي وحشتيني وحشتيني وحشتيني
صحصحي بقى وتعاليلي


صحيح يسلم اختيارك
كلمات غايه في الجمال
ربنا يبارك فيكي

monaliza يقول...

متعودناش منك على الكسل ده وبعدين لسه بدرى على ماالحر يخلص يعنى مش معقول هتبقى فى خمول صيفى لغاية ماييجى الشتا
يلا ياامل مستنيينك دايما وذى ماعودتى تمتعينا بكتاباتك الرائعة
وبعدين اغسلى وشك بمية ساقعة وانتى تفوقى
ماتتاخريش

Nour يقول...

عززتى أمل..
كلام اكثر من رائع

ما اروع الكسل وما اجمل النوم حتى اننى احسد الاموات على راحتهم الطويلة
بس طبعا بشرط انهم ميكونوش فى النار
اخيرا وجدت من يشاركنى هوايتى
المهم معنديش مانع تزورى مدونتى
بل ويامرحبا بك بس طبعا دة اذا دب النشاط فيكى والعياذ بالله وقدرتى تضغطى على مدونتى لتتسربى بن السطور فى غفلة من اهداب الكسل
لك كل ود
نور الدين محمود

غير معرف يقول...

امل
السلام عليكم
ضيق ايه اللى انتى تسببتى بيه دا انتى جبتى الفرج
فعلا كتاب الله نور بس ياريت تكملى جميلك
وتقوليلنا الابيات لمين علشان عجبتنى قوى وعاوز ادور على صاحبها واقراله

وتحياتى لختيارك الجميل

تايه في وسط البلد يقول...

امل
لا بأس ببعض الكسل فهو مما يفيد في اذكاء الرغبة في العودة وبقوة

والابيات جميلة واختيارك موفق جدا لمحاولة التنويع لاشكال التدوين

دمتي بكل خير

GOLDEN B0Y يقول...

السرييييير
اللهم ابعدنا عنه الايام دى يارب

اول زياره ليا
مدونه رائعه

تقبل تحياتى :
ROONEY

.:.-=- ELGaZaLy-=-.:. يقول...

يا صديقي ما العلم إلا كتاب وسطور ...قم فرتل آية تملأ عينيك زهور ...ثم سافر في بحور... وبحور... وبحور...رب أعمى بكتاب الله قد صار بصير ...هو نبراس وجود ...هو للنفس منير ...هو كالشمس وضوحاً في دجى الليل الكبير...هو كالسيل شموخاً هائل عبر العصور ....هو قرآنك فإجعله طريقاًً للعبور
--------------------------------

لا باس من بعض الكسل والخلود للراحة ..

اطلالتك رقيقة للغاية وجميلة بحق...

وبها اشراقة مميزة..

تحياتى ولا تحرمينا من اطلالاتك من وقت لاخر

همس الاحباب يقول...

كسل مرة واحدة ونوم ينفع كده
عامة اطلالة رائعة
وابيات تصف القران نحن فى حاجة اليها لتذكيرنا بالقران وجماله
تحياتى وتقديرى
خالد

karim يقول...

و كأنكى تشرقى بعد ليل طويل
صمت تتحدثى بعده بصوت جميل



تقبلى تحياتى

ياسر يقول...

امل عندك حق والله احنا كلنا بنطمن
علي بعض في عالم التدوين الجميل
نعم كلنا قاعدين وراء اجهزة محدش
يعرف التاني بس صدقيني ان فية
اخوة واخوات فاضلين وفاضلاات احبهم
في الله وفعلاا من دخولي باستمرار لقراءة
كتابتهم الصادقة والمعبرة عن النفس اخد
البعض منهم كا اهل او اخوة واخوات والحمد لله
برتاح جدا لما بقراء مدوناتهم او تعليقاتهم بترفع
كتير من روحي المعنوية وود متصل باذن الله سبحانة
وتعالي
دومتي بخير

وبطلي كسل هههههه
تحياتي اختي الفاضلة

أم أحمد المصرية يقول...

حبيبتي أمل
وحشتيني يقي ده اللي كان معطلك النوم طيب صحصحي و النسكافية عليا :))
و حشتنا قصصك الجميلة
تحياتي قصدي صباح الفل
في انتظار زيارتك و سماع رأيك في جديدمدونتي

أسوور يقول...

قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها وصورهم
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو ترك اللينك الخاص بالبوست والمعلومات الخاصة بالمدون فى تعليق على العنوان التالى

www.amyasser.blogspot.com

تحت عنوان خاص لجريدة الأسرة العربية
الجريدة تصدر الإثنين من كل أسبوع

امل يقول...

بنت مصرية
معاكي حق الحر عايز خروج
بس انا مش لاقية حد يخرج معايا
فبقوم نايمة وخلااااااص
بالمناسبة الرز بلبن بعته
على المدونة وصل والا لسه
هههههههههه
تحياتي يا ارق بنوتة

امل يقول...

حبيبة القمر
انتي كمان وحشتيني بس انا عارفة
انك مشغووووولة اليومين دول
حجج بقة عشان ابرر نومي
هههههههههههههه
تحيــــــــــاتي

امل يقول...

monaliza
نفسي والله أغمض عيني وافتحها
القينا في الشتا انا النهاردة مصحصحة اهو اصلي نمت شوية في الشغل هههههههه
تحيــــــاتي

امل يقول...

nour
الحالة دي اليومين دول بس
عشان المرحلة الانتقالية في الجو
ده والله كانت بتييجي علي ايام
ما انمش غير 3,4 ساعات في اليوم
بالمناسبة مدونتك جميلة ورقيقة
سعيدة جدا بزيارتك واتمنى تتكرر

امل يقول...

عرفة فاروق(الاديب العاشق)
وعليكم السلام ورحمة الله وبركاتة
مش عارفة الكلمات لمين بس هيه كلمات نشيد اسمه نبراس الوجود ممكن تعمل بحث عنه في الجوجل او لو ما لقيتش كلماته قولي وانا اكتبها لك كامله
تحيـاتي لقلمك الرقيق

امل يقول...

تايه في وسط البلد
ايوه صح معاك حق الكسل لذيذ
بس لما يكون الواحد مفيش وراه حاجة
المشكلة بقة لو اتكتلت عليه حاجات كثير
والكسل يطلع كله على رااااااااااسه
منورني دايما بوجودك وتعليقاتك
تحيــــــــاتي

امل يقول...

golden boy
زيارة غالية وعزيزة
(دول اتنين اصحابي)هههههه
ربنا ييسرلك الامتحانات ويوفقك
تحيـــــــــاتي

امل يقول...

elgazaly
لا اعرف ماذا اقول بعد هذه الكلمات
الرقيقة شكرا لرقة تعبيرك
تحيــــــــاتي

امل يقول...

همس الاحباب
اسعد كثيرا حين ارى تعليقك
جزاك الله خيرا على كلماتك الرقيقة
تحيـــاتي وتقديري وسلامي لهمس

امل يقول...

karim
كأنكى تشرقى بعد ليل طويل
صمت تتحدثى بعده بصوت جميل

كلماتك هي التي اشرقت
ودلت على شخص موهوب
تحيـاتي وتقديري

امل يقول...

ياسر
طيب انا عندي عذري
نايمة وكسلانة طب وانت ايه عذرك
وفين جديدك و بالمناسبة مبروك الشكل
الجديد للمدونة شيك قوي
ربنا يوفقك ويسعدك
تحيــــاتي

ADAM يقول...

أمل

حرام عليك ِ أنا في أيام مذاكرة

لم كل هذه الشحنات الكسولة ؟


ولكني استمتعت بها

أحسنت ِ وأجدت ِ حقا


تحياتي


آدم

امل يقول...

الحبيبة أم احمد المصرية
انا صحصحت اهو عشان اعرف اجي ازورك
هوه انا اقدر اتأخر انا بس كنت خايفة اعمل ازعاج عشان الامتحانات
الف حمد الله على السلامة

امل يقول...

أسوور
شكرا على التنوية

امل يقول...

adam
ده انا كسلانة تضامنا معاكم
عشان الكل بيذاكر ومحدش فاضيلي
هههههههههه شد حيلك هانت
ربنا يوفقك
تحيــــــــــــاتي

لست أدرى يقول...

...رب أعمى بكتاب الله قد صار بصير
---------------------------

اللللللللللللللللللللله
جمله حلوه اوى بجد

بنت النيل يقول...

امل
اية الكسل دة
كفاية نوم اصحى بقى وحشتينا
واية الابيات دة جميلة جدا
زهور ...ثم سافر في بحور... وبحور... وبحور...رب أعمى بكتاب الله قد صار بصير ...هو نبراس وجود ...هو للنفس منير ...هو كالشمس وضوحاً في دجى الليل الكبير...هو كالسيل شموخاً هائل عبر العصور ....هو قرآنك فإجعله طريقاًً للعبور ....
على فكرة اعجبتنى انا ايضا

وكفاية كسل يلا قومى عايزة اشوف جديدك

تحياتى لكى
بنت النيل

امل يقول...

لست ادري
منوراني بزيارتك الجميلة
تحيـــــــاتي

امل يقول...

بنت النيل
انا فرحانة ان الابيات عجبتك
وان شاء الله هحاول ابطل كسل
ده انا حتى النهاردة طبخت الغداء
ربنا يستر على الجماعة هههههههه
منوراني دايما بوجودك
تحيـــــــــاتي

funckydoctor يقول...

صح النوم
فعلا كلام يستاهل التفكر فيه
تصبحى على خير

دكتور بهــدوء يقول...

بجد اليومين دول الحر عامل شغل جامد بجد
الواحد ياخد وقت ع ما ينام ووقتين ع ما يصحي
واحنا ايام امتحانات ربنا يستر

اول زياره ليكي
بلوجتك عسل بجد

كوارث يقول...

جميلة قوي الابيات اللي في البوست
متعرفيش مين الشاعر ؟
بالنسبة لموضوع الكسل ..
فهوا كده ده الحر بيهبط الواحد اصلا ومبيخليهوش عارف يعمل اي حاجه غير انه عايز يغمض عينيه ويريح دماغه وخلاص
بس ممكن تقاوميه يعني

حـــــدوتـــــة يقول...

السلام عليكم
على فكرة انتى هتنيمينى بالبوست ده
لانى اساسا بتلكك وعايز انام
صدق اللى قال النوم سلطان

اكتر حاجة كانت معذبانى وانا فى الجيش قلة النوم
كانوا بيصحونا الساعة 4.5 منهم لله

سلالالالالالالالالالالالالالالالالالالالالام

nonoymm يقول...

السلام عليكم
احلى اطلالة
بارك الله فيكي حبيبتي
تحيااتي

ahmd ebn om ahmd يقول...

الكسل يا له من متعة أن أنام واصحى وأقعد على الكمبيوتر وأنام تانى (هو ده الكسل ولابلاش )بس المفروض إننا نحاول نستفيد لإن العمر قصير والكسل يضيعه لكن الحمد لله أنا عشان لسه مخرجتش من جو الإمتحانات لسه بأصحى بدرىولكن ده ميمنعش إن أنا لما بأكسل بأكسل بجد يعنى ممكن أقعد أمام الكمبيوتر مأمش من أمامه إلا إذا أم أحمد كانت عيزاه وللآسف حكم القوى على الضعيف وساعتها بس بأبدأ أفوق شوية أنزل بأه ساعتها مع صحابى أو أعمل أى حاجة .
وما أجملها تلك الأبيات التى إخترتها
----------------------------------
شكراً لتعليقك الجميل فى مدونتى وأتمنى التواصل

momken يقول...

ياستى الموضوع بسيط
ممكن يكون عندك دهون على الكبد ودى بتروح بالرياضه

الدهون على الكبد بتخلى الانسان يشعر بالكسل
والرغبه فى الراحه
والاحساس بالتعب والارهاق من اى مجهود بسيط

وبعد اى عمل يشعر برغبه قويع فى النوم او الاسترخاء

على فكره الدهون على الكبد مش مرض جامد ولا حاجه
بس احنا بنتخض من ذكر الكبد

شويه رياضه بسيطه وخفيفه يوميا
طبعا بخلاف اعمال البيت والمكتب والحركات دى

كله هيبقى تمام
ـــــــــــــــ
ولا بيض ولا سمك ولا لبن
والاستشاره بعد اسبوع

بالشفا

تحياتى

المتحرش بها يقول...

انتى اصلا كاتبه؟
مش معقول كلامك يكون من هاويه

بنات صاحبة الجلالة يقول...

امل

الحر فعلا بيجب الكسل والخمول والنوم بس احنا منقدرش نتسغني عن بوستات الجميلة وكلماتك الرقيقة

احسنتي الاختيار الابيات حلوة اوي وجميلة ومش تتاخري في النوم ههههههه

لكي خالص التحية والتقدير

prince4ever يقول...

بلوج هايل اوي يا باشمهندسه...حاجه شيك فعلا...تنسيق بجد محترم...واسلوب روعه واحساس جميل...بجد ربنا يوفقك...واتمنى-مجرد تمني-انك تشرفيني فالبلوج بتاعي اللي على اد حاله ده وتقوليلي رايك...وبسجل اعجابي كمان مره
تحياتي

تــــــــــ(حـنة)ـــــــر يقول...

اموله
انا رجعت اهو ..قوليلى حمد الله على السلامة

يظهر يا أمل و الله اعلم ان الكل بقى محتاج لأطلالة بعد الإطالة

شكرا ً خلص الفاصل
و سنوافيكم بمزيد من التقارير
ههههههههههههه
تحياتى يا قمر

امل يقول...

funckydoctor
كده يا دكتور مصحيني وقالق
منامي عشان كده بس
تصبح على خير ههههههههه
تحياتي ونورتني

bar2ash يقول...

اموله
ازيك ياقمر وحشتني كتاباتك بس الامتحانات قاتلاني
البوست جميل اوي كالعاده
وسامحي غيابي هزهقكم في الاجازه

امل يقول...

دكتور بهدوء
نورتني بزيارتك الاولى
واتمنى تتكرر على طول
خالص تحيـــاتي

امل يقول...

كوارث
الحر فعلا بيخلي الواحد زهقان قوي
وملوش نفس يعمل حاجة
بس فترة وبتعدي
نورتني

امل يقول...

حدوته
وعليكم السلام ورحمة الله وبركاته
طيب فرصة انك دلوقتي مش في الجيش عشان
تنااااام براحتك ..وتعوض اللي فات
هههههههه
خالص تحيـــاتي

امل يقول...

nonoymm
وعليكم السلام ورحمة الله وبركاته
جزاكي الله خيرا حبيبتي
اطلالتك علي ايضا جميلة
تحيــــــاتي

امل يقول...

ahmd ebn om ahmd
سعيدة جدا بزيارتك الجميلة دي
وان شاء الله الود متصل
وسلامي للغالية ام احمد

امل يقول...

momken
حرااااااااام عليك دهون على الكبد!!
انا صحصحت خلاص دول كانوا يومين كنت بدلع نفسي فيهم لكن انا مش كسولة ولا حاجة وبعدين انا عاملة زي القلم الرصاص يعني معنديش دهون خالص وكمان بشتغل 8 ساعات في اليوم شغل مرهق جدا يعني من حقى اكسلي يومين
تحياتي لك ونورتني بزيارتك الجميلة

امل يقول...

المتحرش بها
اشكرك على كلماتك الجميلة
اللي انا اقل منها بكتيييييييير
ومستنيه اسمع حكاويكي ان شاء الله
واهلا بيكي دايما
تحيـــاتي

امل يقول...

بنات صاحبة الجلالة
ربنا يكرمكم على رقتكم
وكلامكم الجميل ده
وتحياتي لكن جميعا

امل يقول...

prince4ever
مش عارفة اقول ايه على كلماتك
الجميلة دي وشرف لي طبعا اني ازور
مدونتك وان شاء الله الود متصل
خالص تحيــاتي وشكري

امل يقول...

تــــ(م)ـــر حنة
الف حمد الله على السلامة
نورتي المكان كله يا تمرايه
وبعدين انتي اطلالتك علي دمها خفيف
قوي بس فين التقارير اللي بعد الغاصل
هههههههههه نورتيني يا عمري

امل يقول...

bar2ash
ربنا يوفقك يا برقش وترجع بالسلامة
عايزينك متفوق كالعادة ان شاء الله
وطبعا منورني على طول
ربنا معاك
تحياتي

Nostor Azzuro يقول...

النوم أجمل حاجة فى الدنيا
يارب الواحد يقدر انه ينام ما يقمش
أبداً
وتقبلى زيارتى
وأشكرك على مجهودك الرائع
ــــــــــــــــــــــــــــــــ
neo