السبت، 28 يونيو 2008

واجبي العزيز


قوانين الواجب :
1. أذكر اسم من طلب منك حل هذا الواجب ؟؟ الإجابة : أختاي الحبيبتان (أم أحمد المصرية - حبيبة القمر ) .
2. أذكر القوانين المتعلقة بهذا الواجب ؟! ها قد ذكرتها ..
3. تحدث عن ستة أسرار قد لا يكتشفها من يقابلك للمرة الأولى ؟
* * *
أولا : بسؤال صديقاتي عن هذه الفقرة أفادت أغلبهن أن من يقابلني للمرة الأولى يعتقد أنني غير إجتماعية لأنني لا أتحدث كثيرا معهن , ولكن وبمجرد أن تتحدث إحداهن إلي عبر البريد الإلكتروني تفاجأ بشخصية أخرى تتحدث إليها حيث أصبح ثرثارة للغاية هههههههه ولكنها ثرثرة من غير صوت على لوحة المفاتيح .... . ثانيا : شديدة الحساسية وأحمل الهم بشدة وأفكر ألف مرة قبل أن أقدم على خطوة ما ... ثالثا : من يقابلني للمرة الأولى يفسر صمتي على أنه غرور أو ترفع عن التحدث مع الآخرين ولكنه لا يلبث أن يكتشف أنني شديدة الخجل .... رابعا : لدي قدر من تحمل المسئولية قد لا يراه من يتعامل معي للمرة الأولى ولكنه يتفاجئ به وأذكر أنني ذهبت لأنهي بعض أوراقي في مكان حكومي وأنتم تعلمون روتين الحكومة حيث أخذت أتنقل من مكان لآخر وكلي إصرار على انهاء أوراقي في نفس اليوم وفي النهاية عدت للموظف الأول ومعي أوراقي كاملة وتعجب الرجل مما فعلت ونظر لي قائلا : أتمنى أن تكون ابنتي مثلك وطبعا محت كلماته كل آثار التعب عندي .... خامسا : الصعاب التي أمر بها تجعلني أقوى وأكثر قدرة على تخطي الأزمات .. وأخيرا : أحب الأطفال كثيرا وأجيد التعامل معهم , وأحب كبار السن وأشعر بالسعادة حين أسعد أحدا منهم أو أسدي له خدمة ...
* * *
4. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك ؟ أكثر من كنت أنوي أن أحوله إليهم أجابوا عليه أو حـُول إليهم من غيري ... لذا أهديه لجميع زوار مدونتي < دبلوماسية > ههههههه ...
* * *
5. اترك تعليق في مدونة من حولت الواجب عليهم، ليعلموا عن هذا الواجب ؟
إن شاء الله أفعل الآن ....

هناك 53 تعليقًا:

rovy يقول...

السلام عليكم
اجاباتك جميله يا امل ..
واضح انك انسانه جميله قوى وعندك اراده و محبه للناس و الخير وحنونه جدا
ربنا يكرمك و يبارك فيكى ..
وفقكى الرحمن و رعاكى و حقق لكى كل ما تتمنيه و كل الخير ان شاء الله
كل الود و التقدير
تحياتى
rovy

محمود حسن العدل يقول...

اللة ياامل
الصفات دى صفات ناس للاسف مش موجودة على الارض
عموما انا مش لاقى رد يعبر انا عوز اقولك اية .
بس بجد ربنا يحميكى ابسط حاجة لو حبيت ارد على كلامك انى لو قلت (الرقة) على طول هاتساوى (أمل)
تحياتى

امل يقول...

rovy
وعليكم السلام ورحمة الله وبركاته
دائما أنت أول من يطمئن قلبي
بتعليقاتك الرقيقة والمشجعة
أدام الله لي كلماتك الحبيبة
ملحوظة:تركت لك رسالة في ايميلك أرجو أن تكوني قد اطلعتي عليها ..
تحياتي ودمتي حبيبة في الله دوما

امل يقول...

أ.محمود حسن العدل
لا أعرف ماذا أقول ردا على كلماتك المشجعة تلك .. جزاك الله عني كل خير
تحياتي

zOzO يقول...

اجابات كلها حلوه اوي يا امل
انا حسيت انك انتي انا
بس انا كسلانه شويه
او شويتين
علوم طلعت روحي يا اختي والله
ههههههههههههههه


الواجب ده عرفنا ان امل دي حد جميل
ورقيق وحنونه وي
ربنا يبارك فيكي

عايش... ولكن !!!! يقول...

الله عليكى يا امل
اجمل ما فى اجاباتك البساطه

تحياتى
علاء

bedo يقول...

السلام عليكم

جميل أن يكون في الفتاة بعض الغموض الذى لا يكشف شخصيتها دفعة واحدة لأى شخص وهذا يعطيها رونقاً ورفعة افتقدناها في فتيات هذا العصر
بارك الله فيكي
بيدو

أم أحمد المصرية يقول...

حبيبتي امل
شاطرة و حلوة عشان حليتي الواجب:)
انا مبسوطة اني عرفت عنك اكثر بس تعرفي طلعتي جميلة زي ما انا كنت عارفة و حاسة
و اكدت لي ان لا يوجد تعارض بين رقة المشاعر و تحمل المسئولية
س نسيت تقولي ان اللي يقابلك للمرة الاولي مش حيعرف مقدار موهبتك الرائعة في الكتابة

Empress appy يقول...

10على 10 يالا ان شاء الله ما حد حوش
والله يا امل قولت عليكى هاديه قوى من اول ما تابعتك ربنا يكرمك يا رب

ياسر يقول...

جميل اوي الواجب دة
بس علي فاكرة دي حاجات انا تقريبا فهمة
معظمها من البوستات بتاعتك
بس الجديد الا هنا انك بتتكلمي كتير ههههههه
وفعلا الانسان منا لما يكون قليل الكلام بيقولوا
علية متكبر من اي منطق معرفشي بيحكموا علي الناس
وأحمل الهم بشدة وأفكر ألف مرة قبل أن أقدم على خطوة نفس الشي اتحمل الا ما يتحملوا بشر لدرجة الاغماء ساعات او العرق
الصعاب التي أمر بها تجعلني أقوى وأكثر قدرة على تخطي الأزمات .. جميل جدا
فرق السماء من الارض انا ممكن مشكلة صغيرة تديني المستشفي هش ضعيف
وعمري ما اتعلم من اخطائي
الاطفال وبالذات كبار السن بحبهم اوي عاوز اتجوز عجوزة هههههههههههه
تحياتي

rovy يقول...

اختى الحبيبه امل
عايزه اشكرك جدا جدا على كلماتك الرقيقه و احساسك بيه حقيقى انتى انسانه جميله قوى ربنا يكرمك ..
مش لاقيه كلام يعبر عن شكرى و امتنانى لكى و لقلبك الكبير .. ادعيلى ربنا يهدينى للخير و الصواب ..
انا كمان والله حبيتك من اول ما تابعتك لكن معزتك زادت قوى النهارضه بجد ربنا يحميكى و يحقق لكى كل خير ..
و يارب يرزقك سعادة الدارين و يهديكى دايما للصواب و الخير .
دمتى بخير و دمتى اخت وصديقه غاليه اعزك الرحمن و ادام ودنا و تواصلنا .
احبك فى الله
كل الود والتقدير
تحياتى
rovy

Gannah يقول...

أمل الجميلة
بجد واضح انك شخصية جميلة جداااااااااا
انسانه بجددددد
تحياتى

همس الاحباب يقول...

واجب فى الاجازة يا امل
بس بجد برافو عليكى
اجابة نموذجية
ودبلومسية فى الردود
بس بجد انتى انسانة قل بل ندر وجودها فى الواقع
دمتى لنا قلب ابيض جميل
تحياتى وتقديرى

حبيبـــــــة القمـــــر يقول...

السلام عليكم يا امل حياتي
اتأخرت جدا عليكي لكنك تعلمين ما امر به هذه الايام
فسامحيني على تقصيري غاليتي

على فكرة احب اقول اني مش شايفه ابدا انك مش اجتماعيه بالعكس انتي زي السكررررر ومن اول مرة كلمتك حسيت اني اعرفك من زمان

حساسيتك الشديده نابعه من احساسك بالمسئوليه اعانك الله وثبت خطاكي

مش هعلق على ثالثا غير بـ ( كلنا في الهوا سوا) ههههههههههه

من اجمل الصفات التي تدل على قوة الشخصيه هو الاصرار ..فمن السهل ان ينجح الفرد في الوصول لأمر ما او مرتبة ما (بقليل من المجهود) ولكن من الصعب ان يصر على الاستمراريه في هذا النجاح
دمتي دائمة العزم والاصرار على النجاح في كل ماتفعلينه في حياتك باذن الله

ربنا ييسر امورك ويجعلها سهله في نظرك مهما كانت صعبه

حبك للاطفال والكبار دليل على نقاء قلبك وعلى صبرك كمان ربنا يثبتك

دمتي جميله كما انتي صديقتي الغاليه
لكي مني كل الود

تــــ(حـنة)ــــر يقول...

انتى شايف كده ؟؟؟
انا بقول بقى حاجة تانيه
بس دى طبعا بينى وبينك
اصلك ظلمتى نفسك اوى فى حل الواجب دة و بعدين بدارى فيه كتييييييير
ولا ايه
يعنى قلب ابيض قوى جوه وبره واللى ميشوفش فيكى دة من اول مرة يبقى هو اللى نظرة ضعيف هههههه
سلام يا قمر
ووحشانى برضه

الربان يقول...

تحياتي

ما شاء الله...احييك علي العزيمة و المثابرة....

ما أجمل الخجل...فالحياء من شعب الايمان.

ربنا يوفقك دائما...و يسعد كل اوقاتك.

تحياتي و تقديري

موناليزا يقول...

جميلة هى شخصيتك
اسعدك الله وبارك فيكى

سوسا ومودى يقول...

يا أموله أجاباتك بحد جميله وشخصيتك أجمل
ربنا يوفقك ياااااارب ويسعدك

عاشــــــ النقاب ـقــــة"نونو" يقول...

السلام عليكم
خلاص ما عدتش اسرار
رقيقة وجميلة يا امل ربنا يبارك فيكي
تحياتي

ولد مصري يقول...

الحقيقة مع إن الواجب صعب بس بصراحة إجابتك عليه جميلة فعلا

فعلا عملية صعبة جدا إن الواحد يتفهم غلط وللأسف إنه كمان مابيقددرش يدافع عن نفسه لأن في الأغلب الناس مابتعبرش عن اللي حسه بيه مع شخص بيقابلوه لأول مرة وعشان كده ما بيعرفش إنهم خدوا عنه فكرة غلط إلا لو قابلهم أكتر من مرة ويبتدي الكلام يجيب بعضه فساعتها بس بيقولوله على إحساسهم الغلط اللي خدوه وبيقدروا يفهموا الشخص صح

تحياتي

تايه في وسط البلد يقول...

ايه الظلم ده؟
الناس خلصت الكلام كله!
وانا اقول ايه دلوقتي؟

اقولك

ربنا يكتر ممن هم مثلك
ساعتئذ
قد تتحول الارض الي جنة

(علي فكرة انا مش باخد واجب
ولو كنت اتسألت كنت هاقول ان ردودي اتكتبت بالفعل..في تدوينك)ه

تحياتي

امل يقول...

zozo الجميلة
علوم لحقت تتطلع روحك يازوزو
أمال أقول ايه انا بقه على هندسة
دي خلتني راجل مش بنت هههههه جيش يعني
ربنا يسعد قلبك على كلامك الحلو ده
تحياتي ودمتي بكل خير

امل يقول...

عايش ولكن
ربنا يكرمك على تعليقك الرقيق ده
ودمت بكل خير ان شاء الله .. تحياتي

امل يقول...

bedo
وعليكم السلام ورحمة الله
أهلا بيك في أول زيارة جميلة
نورتني واتمنى تتكرر الزيارة ان شاء الله
تحياتي وسلامي

امل يقول...

أم أحمد الحبيبة
أنا جميلة لاني بين ناس عيون قلبها جميله زيكم ربنا مايحرمني من كلامك المشجع ابدا ويسعد قلبك زي ما بتسعديني بوجودك الجميل .. تحياتي ودمتي بكل حب وسعادة ان شاء الله

امل يقول...

فيكونتي الحبيبة appy
10 على 10 مرة واحدة
أنا عايزة بقه خروف هدية
انتي عارفة عيني من زمان على واحد هههههه .. ربنا يسعد قلبك ويكرمك .. تحياتي وحبي

امل يقول...

ياسر
الاطفال وبالذات كبار السن بحبهم اوي عاوز اتجوز عجوزة
هههههه لا يا ياسر مش بحب الكبار حب من النوعية دي .. لا حب من نوعية "وقل رب ارحمهما كما ربياني صغيرا" وبيأثروا في قوي لأنهم فضلهم علينا كبيييير قوي عشان كده بفرح لما أحس اني اسعدت حد منهم .. تحياتي ودمت بخير ان شاء الله

امل يقول...

الحبيبة rovy
وأنا بقرأ كلامك كنت بدور على حتة استخبى فيها من كتر الكسوف .. ربنا يخليكي لي على كلامك الجميل ده .. والكلام اللي انتي قصدك عليه ده أقل من حقك بكتيييير .. ربنا يوفقك للصواب ويسعد قلبك ويريح بالك .. تحياتي وحبي

Unknown يقول...

امل
السلام عليكم ورحمة الله وبركاتة يارب تكونى بالف خير
اجاباتك كلها جميلة وتظهر شخصية رقيقة وجميلة من الداخل
ودا شئ للاسف اصبح نادر
دمتى بود
نهر الحب

امل يقول...

ريحانتي نهر الحب
وعليكم السلام ورحمة الله وبركاته
أنا بخير والحمد لله .. ولكن مدونتك لا يفتح رابطها عندي .. تأتيني رسالة الوضع غير متاح .. أرجو أن تطمئنيني عليكي .. تحياتي دمت بكل خير وحب وسعادة ان شاء الله

امل يقول...

الحبيبة gannah
جزاكي الله خيراعلى كلماتك الرقيقة
تحياتي وحبي في الله

امل يقول...

همس الاحباب
للأسف معنديش اجازات غير يوم الجمعة ونص يوم الخميس هههههه .. جزاك الله خيرا على كلماتك الرقيقة .. تحياتي وسلامي للجميلة همس

امل يقول...

حبيبة القمر
وعليكم السلام ورحمة الله وبركاته يا حبيبة القمر وحبيبتي ههههههه .. متنسيش يا حبيبة انك دلوقتي مع المجموعة التانية مجموعة البريد الالكتروني اللي بكون رغاية معاهم هههههه والحمد لله انك كلمتيني قبل ما تقابليني هههههه .. تحياتي وحبي

امل يقول...

الربان
جزاك الله خيرا سيدي الربان على كلماتك الطيبة دوما وعلى دعاءك وجعل لك مثله ان شاء الله .. تحياتي وتقديري

امل يقول...

تمرايتي الجميلة
كل الكلام الجميل ده عشاني انتي شكلك واخده مقلب في ّههههههه ..لا بجد انتي اللي عشان قلبك ابيض وحبيبة حسيتي اني كده .. ربنا يخليكي لي وميحرمنيش من رقتك ابدا ويديم على حبك يا حبيبتي وبجد الكلام ده اكتر من قيمتي بكتير .. تحياتي وامنياتي بالسعادة والخير ان شاء الله

امل يقول...

موناليزا الحبيبة
جزاك الله خيرا على دعاءك وجعل لك مثله وأكثر واسبغ عليك نعمه ظاهرة وباطنة تحياتي ودمتي بكل خير وسعادة ان شاء الله

امل يقول...

سوسا ومودي
ربنا يسعدك يا سوسا على كلامك الرقيق ده ويفرح قلبك ياااارب .. تحياتي وحبي

امل يقول...

حبيبتي نونو
وعليكم السلام ورحمة الله وبركاته
جزاك الله خيرا علىكلماتك الحبيبة وأسعد قلبك في الدنيا والآخرة .. تحياتي وحبي في الله

امل يقول...

walad_masry
معاك حق في كلامك بس الواحد بيحس بفرحة لما يلاقي حد جاي يعترف له انه اكتشف انه شخصية حلوة .. عشان كده مفروض منحكمش على شخص من أول لقاء
تحياتي ودمت بخير ان شاء الله

امل يقول...

تايه في وسط البلد
ايه الظلم ده؟
الناس خلصت الكلام كله!
وانا اقول ايه دلوقتي؟

ورغم ده برضه قلت كلمات رقيقة جدا
واكيد انا أقل منها بكتييير
جزاك الله عني خيرا .. تحياتي ودمت بخير ان شاء الله

blue-wave يقول...

اجاباتك بجد جميله جدا
تحياتى

ghoneem يقول...

السلام عليكم

حلو الواجب ده وصعب ان الواحد فعلاً يتكلم عن نفسه

ربنا يكرمك ويرزقك خيري الدنيا والاخرة

تحياتي ليكي

بالتوفيق..............

تــــ(حـنة)ــــر يقول...

أموله
كل سنه وانتى طيبه قبل الكل
ويارب تكون سنه حلوة عليكى يا رب
تعالى بقى عندى خدى هديتك
سلام

موناليزا يقول...

سنة حلوة ياجميلة
كل سنة وانتى الى الله اقرب والى طاعته ادوم
عقبال 110 سنة

حـــــدوتـــــة يقول...

السلام عليكم

والله اجاباتك جميلة اوى
انا جالى الواجب ده بس خفت اجاوب عليه
بصراحة مش عايز فضايح
خلينا كده احسن

سلالالالالالالالالالالالالالالالالالام

ادم المصرى يقول...

اجابات جميل اوى اوى ومقنعه جدا بجد انتى انسانه لذيذه جدا يا امل بجد ربنا يحفظك ويرعاكى ودمتى بخير

Desert cat يقول...

ســــــؤال جديــــــد
على مدونة برنامجنا الإذاعى
http://netonradio.blogspot.com/
أنت تسأل والكمبيوتر يجيب
والذى يذاع يوميا الساعه 9.10 صباحاً ما عدا يوم الجمعه
على إذاعه البرنامج العام
الســـــؤال هــــو
تسمح لى اقرا افكارك ؟شكرا
الأشاره حمراء الأشاره خضراء صفراء لافرق فانت متاخر متاخر عن موعدك ....ايه كل العربيات دى؟
المرور متوقف لا يتحرك وبعدين لو اقدر اطير!؟؟؟
وتفكر وتسرح ....ما هو السكه واقفه....تفتكر حيخترعوا سيارات تطير؟؟؟؟
ونحب نعرف منك بماذا اجبت .
اهلا وسهلا بارائكم واقتراحاتكم
تمنياتنا بدوام التواصل

امل يقول...

blue-wave
شكرا لك على كلماتك الرقيقة
تحياتي ودمت بخير



ghoneem
وعليكم السلام ورحمة الله وبركاته
جزاك الله خيرا على كلماتك الرقيقة
ودعاءك الجميل وجعل لك مثله وأفضل ان شاء الله .. تحياتي

امل يقول...

تمرتي الحبيبة
وانتي بألف خير وسعادة ان شاء الله
وجزاك الله خيرا على هديتك الاكثر من رائعة .. تحياتي وحبي




اختي الحبيبة موناليزا
ربنا يسعد قلبك ويكرمك بس اشمعنى 110 سنة هههههه خيركم من طال عمره وحسن عمله ربنا يسترنا في الدنيا والآخرة

امل يقول...

حدوته
وعليكم السلام ورحمة الله وبركاته
ليه بس محليتش الواجب انت دور على الحاجات الحلوة وانكر الباقي زيي كده هههههه .. نورتني بزيارتك الجميلة




آدم المصري
ربنا يكرمك على كلامك الرقيق ودعاءك
الجميل ويجعل لك مثله وأفضل ان شاء الله
تحياتي ودمت بخير

انت تسال والكمبيوتر يجيب يقول...

الأخت العزيزه امل
تحيه طيبه لك ولزوار مدونتك المتميزه ...نكتب هذا الكلام كتحيه خاصه لك بمناسبة زيارة مدونتنا ...مدونة اول برنامج أذاعى فى الشرق الوسط عن النت والمدونات ...وحقيقى اسعدتنا زيارتك ونرجوا ان تتكرر ان شاء الله
اسرة البرنامج الأذاعى انت تسال والكمبيوتر يجيب
مدونتنا
http://netonradio.blogspot.com
وموقعنا
http://dear.to/cairo

انت تسال والكمبيوتر يجيب يقول...

الأخت العزيزه امل
تحيه طيبه لك ولزوار مدونتك المتميزه ...نكتبالأخت العزيزه امل
تحيه طيبه لك ولزوار مدونتك المتميزه ...نكتب هذا الكلام كتحيه خاصه لك بمناسبة زيارة مدونتنا ...مدونة اول برنامج أذاعى فى الشرق الوسط عن النت والمدونات ...وحقيقى اسعدتنا زيارتك ونرجوا ان تتكرر ان شاء الله
اسرة البرنامج الأذاعى انت تسال والكمبيوتر يجيب
مدونتنا
http://netonradio.blogspot.com
وموقعنا
http://dear.to/cairo هذا الكلام كتحيه خاصه لك بمناسبة زيارة مدونتنا ...مدونة اول برنامج أذاعى فى الشرق الوسط عن النت والمدونات ...وحقيقى اسعدتنا زيارتك ونرجوا ان تتكرر ان شاء الله
اسرة البرنامج الأذاعى انت تسال والكمبيوتر يجيب
مدونتنا
http://netonradio.blogspot.com
وموقعنا
http://dear.to/cairo

غير معرف يقول...

امل

السلام عليكن

جميل قوى الواجب ده

صريح

وكمان بيعرف الناس بجوانب شخصيتك الهادئة

تحياتى